Føstulávint

February 21, 2020

Hey øll somul:) Føstulávintsmánadagin bjóða vit franskan hotdog, so tá er ikki neyðugt at hava matpakka við:) Týsdagin hava vit aftur opið allan dagin, sigið frá um børn tykkara koma, við at senda sms til tlf.214879.

Frítíðarskúli opin í páskafrítíðini

February 21, 2020

Foreldur at børnum í forskúla, 1. og 2., ið hava tørv á plássi í páskafrítíðini, 15., 16. og
17. apríl 2019, tá ið frítíðarskúlar annars eru stongdir, verða biðin um at melda til á
torshavn.fo - sjálvgreiðsla.
Freistin er mikudagin 27. mars 2019. Seinni verður boðað frá, hvør stovnur er opin.
Tilmeldingin er bindandi, og tað er umráðandi, at barnið møtir teir
dagar, sum eru fráboðaðir.
Barnið er tilmeldað, tá ið tú hevur fingið sendandi váttan við t-posti um, at barnið
er skrásett.

Ráðleggingardagur

February 13, 2020

Vegna ráðleggingardag er Smílibýlið stongt fríggjadagin 13.03.20.

Pernille Hviid kemur at hava dagin við okkum, og høvuðsevnið verður frítíðarnámsfrøði.

Pernille Hviid er útbúgvin námsfrøðingur og cand psyk. Ph.D. Hon starvast sum lektari á ”Institut for psykologi” á Universitetinum í Keypmannahavn. Her granskar og undirvísir hon í eitt nú menning hjá børnum.

Eisini er Pernille Hviid nógv upptikin av barnapolitiskum málum, og hevur hon verið limur í ”Børnerådet” í 8 ár. Her hevur hon millum annað verið við til at skriva ”Bekendtgørelse om Pædagogiske Læreplaner for børn og dagtilbud”.

Harumframt hevur Pernille Hviid verið við til at skriva millum annað bøkurnar ”Pædagogik i dagtilbud” og ”Fritidspædagogik og børneliv”.

Hon er í Føroyum í samband við einum skeiði, og so fingu vit møguleikan at fáa ein ráðleggingardag við henni, saman við øðrum frítíðarskúlum. Tað tóku vit av, tí stutta skotbráðið. Vónandi halda tit okkum til góðar.

Allan.

Vælveruvika

January 01, 2020

Komandi viku fara vit at hava “wellness viku” her í Smílibýlinum.

Vit fara at hava frisør, make up, negl, fótarøkt, massagu og sunna café.

Børnini eru við í fyrireikingunum og eru vit øll líka spent :)

Kl. 13-15 hvønn dag, verður opið og børnini melda seg til í dag, hvar tey ynskja at arbeiða komandi viku. Børnini skifta arbeiði hvønn dag, so tey fáa roynt ymiskt.

Til hesa vælveru viku hava vit tørv á øllum møguligum :)

So sum make up = eygnaskuggar, kolstiftir, maskara, kinnareytt, varrastiftir o.s.fr.. og til frisør hava vit tørv á slættijarn, krúllijarn, kreppijarn o.s. fr.. og børnini kunnu heldur enn gjarna hava egna bust við (lúsa vandi!!!) annars fara vit at spritta eisini ;)

Vit fara at keypa gele og elastik o.s.fr.. til hárið. Vit fara sjálvandi IKKI at klippa hár og brúka permanetvesku og liting :D men kanska koyra glimmurspray og gele við liting í, sum kann vaskast úr. Um tit eiga okkurt, sum tit hugsa hevði verið stuttligt hjá okkum at brúkt til børnini, eru tit hjartaliga vælkomin við hesum :) Brynhild og Joan halda stýr á frisørsalongini og make up :)

Til fótarøkt hava vit keypt tvey fótabað við bobblum og verður vatni sjálvandi skift út millum hvørt barnið. Vit fara at koyra okkurt lekkurt fótasalt í vatnið. Og neglalakk á bibburnar og fótakrem á aftaná sjálvandi :) Annika kemur at halda stýr á fótarøktini :)

 

Neglalak í langar banar siga vit ja takk til J Vit hugsa eisini at fara at prýða neglir við ymiskum stuttligum. Tit kunnu vænta, at neglir eru fílaðar eitt sindur ;)

 

Anna Maria kemur at halda stýr á massagurúminum, sum verður í Legorúminum. Her verður friðarligur tónleikur, madrassa á gólvinum, dempa ljós o.s.fr.. Ordiliga avslappandi :)

 

Dania kemur, saman við ymiskum børnum, at arbeiða hvønn dag í caféini. Hetta verður so millummálin samstundisJ

Maria verður høgguslokkur alla vikuna og innrættar dukkurúmið, har tey kunnu slappa av og lita Mandalatekningar. Og annars er hon um tey børnini, sum ikki hava hug at luttaka onkrar løtur.

Rørslurúmið og tónleikarúmið verður frítt hjá børnunum at brúka sum vanligt.

So kæru foreldur og avvarandi. Um tað er eitthvørt, sum tit hava at viðmerkja, sigi so endiliga til. Um barnið t.d. ikki tolir okkurt krem ella make up, ella um tit als ikki ynskja at barnið skal fáa nakað gjørt. Og somuleiðis er tilfar til komandi viku kærkomið :)

Vinarliga

Starvsfólkini í Smílibýlinum :)

Takkarbræv frá Caritas

January 28, 2020

Góðu børn, foreldur og starvsfólk í Smílibýninum!

Túsund takk fyri at geva peningin frá tykkara árligu jólasølu til Caritas, og Rohingya flótta børnunum í Bangladesh!

Vit eru sera takksom fyri, at tit valdu at stuðla Caritas.

Við tykkara gávu, 6.600,50 kr., kunnu vit hjálpa børnini og teirra familiur at fáa reint vatn, og við at gera teirra smáttur betri og tryggari at búgva í.

Tykkara arbeiði við at fyriskipa Jólasøluna, og gávumildni hjá familium tykkara, fer at gera stóran  mun á lívunum hjá børnunum og teirra familiur.

 

Eini Gleðilig Jól til tykkum øll.

Vinaliga,

Maria Krabbe Hammershøy,

Aðalskrivari, Caritas Danmark

.

Jólasølan 2019

December 02, 2019

Nú byrjar at verða klárt til jólasøluna í morgin 15-17, vit gleða okkum😀
Peningurin sum kemur inn, fer til at stuðla Rohingva flóttarfólk í Bangladesh, ið eru flýggja úr Myanmar.

Fletta fríggjadagin

October 08, 2019

Hey øll somul.

Fríggjadagin kl.14.00 kemur Bergur, pápi Brynju, at fletta úti í garðinum hjá okkum. Tey børn, ið hava áhuga, kunnu vera har og hyggja. Tey, ið ikki hava hug, vera inni og spæla í Smílibýlinum, saman við nøkrum starvsfólkum. Foreldur, ið eru áhugaði, eru eisini vælkomin í Smílibýlið, vit hava kaffi á kannuna:)

Samanlagt virksemi í heystfrítíðini

September 10, 2019

Foreldur við frítíðarskúlabørnum í Tórshavn, ið hava pláss fyri neyðini frá 14. til 18. oktober
2019 (vika 42), tá ið frítíðarskúlar annars eru stongdir, verða vinaliga biðin um at skráseta
seg á torshavn.fo ➔ kommuna ➔ sjálvgreiðsla.
Freistin er hósdagin 26. september 2019. Boðað verður frá seinni, hvør frítíðarskúli er opin.
Tilmeldingin er bindandi, og tað er umráðandi, at barnið møtir teir dagar, sum eru fráboðaðir.
Barnið er tilmeldað, tá ið tú hevur fingið sendandi váttan við t-posti um, at barnið er skrásett.

Foreldrafundur

September 04, 2019

Hóskvøldið 19.09.19 verður foreldrafundur í Posthúskjallaranum.

 

Á skránni verður kunning um frítíðarskúlan og val av foreldraráð. Eisini verður høvið at práta saman afturvið einum drekkamunni, og at seta spurningar, um man hevur eitthvørt uppá hjarta:)

 

Fundurin byrjar kl.19.00, og væntandi verða vit liðug kl. 20.30.

Byrja aftur:)

August 17, 2019

Mánadagin 19.08.19 byrja vit aftur:)

Vit avheinta 2.flokk kl.11.00, og 1.flokk kl.12.00:) Vit gleða okkum at síggja tykkum:)

Summarveitslan 2019

June 06, 2019

Fríggjadagin 14/6 millum kl.15.00 og 17.00 er summarveitsla í Smílibýlinum:)

Vit fara væntandi at hoyra eitt sindur av sangi & tónleiki, hava onkra stuttliga kapping, fáa okkum Kaffi/the/saft og okkurt afturat:) Vit gleða okkum at síggja tykkum:)

Frítíðartilboð í Summar

May 15, 2019

Foreldur í Tórshavnar kommunu, ið hava pláss
fyri neyðini frá 28. juni til 11. juli 2019, tá ið
frítíðarskúlar annars eru stongdir, verða vinaliga
biðin um at skráseta seg á torshavn.fo ➔
kommuna ➔ sjálvgreiðsla.
Freistin er fríggjakvøldið 31. mai 2019. Boðað
verður frá seinni, hvør frítíðarskúli er opin.
Tilmeldingin er bindandi, og tað er umráðandi, at
barnið møtir teir dagar, sum eru fráboðaðir.
Barnið er tilmeldað, tá ið tú hevur fingið sendandi
váttan við t-posti um, at barnið er skrásett.

Fótbóltskapping

April 28, 2019

Vit fara øll við til hetta tiltakið. Vit savna 2 lið, og øll vit onnur fara at heppa. Frítíðarskúlin í Hoyvík bjóðar millummálala. Vit fara við bussinum til Hoyvíkar aftaná skúlatíð, og fara afur við bussinum eftir kappingina (ella um vit verða útsligin úr kappingini). Annars eru tit vælkomin at heinta børnini í Hoyvíkshøllini.

FELAGS TILTAK FYRI FRÍTÍÐARSKÚLAR!!

 Fríggjadagin verða fleiri børn úr frítíðarskúlum samlaði til fótbóltskapping í Hoyvíkshøllini. Tiltakið er skipað við tí endamálið, at børnini møta øðrum børnum – úr øðrum frítíðarskúlum. Frítíðarskúlarnir sum eru við, hava allir 2 fótbóltslið við í kappingini. Børnini sum ikki eru við í sjálvari fótbóltskappingini, hava góðan møguleika at stuðla teirra stovni, samstundis sum tey møta javngomlum børnum úr øðrum stovnum. Kappingin byrjar kl.12.30 og er liðug kl. 16.15. Vinnandi stovnurin fær eitt stórt steyp til ognar, meðan tey luttakandi á liðunum sum blíva nr. 1, 2 og trý fáa heiðursmerkir. damáli, at børnini møta øðrum børnum - úr øðrum frítíðarskúlum. Frítíðarskúlarnir sum eru við, hava allir 2 fótbóltslið við í kappingini. Børnini sum ikki eru við í sjálvari fótbóltskappingini, hava góðan møguleika at stuðla teirra stovni, samstundis sum tey møta javngomlum børnum úr øðrum stovnum.

Góða Páskaferiu:)

April 11, 2019

Vit hava stongt í páskaferiuni, lata upp aftur kl.7.50 týsmorgun 23. apríl:)

Føstulávintsmánadagin

March 01, 2019

Vit heinta børnini kl.11.30 føstulávintsmánadag. Smílibýlið bjóðar burgarar, og ymisk stuttlig spøl verða á skránna:)

Talvkappingin

February 19, 2019

Frítíðarskúlin Smílibýlið skipaði fríggjadagin fyri talvkapping millum frítíðarskúlarnar í Tórshavnar kommunu. Tað var stuttligt at síggja, hvussu íðin børnini vóru, og hvussu væl tey kláraðu at hugsavna seg. Helgi Dam Ziska var høvuðsdómari í kappingini, saman við Niels Petersen úr Smílibýlinum. Endaliga úrslitið varð, at Spírin fekk bæði 1.&2. plássið, og Hoyvík vann 3. plássið í harðari kapping við Smílibýlið, ið endaði nummar 4. Eitt væl eydnað og heilt víst afturvendandi tiltak.

Ráðleggingardagur

February 19, 2019

Smílibýlið fer at hava ráðleggingardag fríggjadagin 29.03.19.

Tískil verður stovnurin stongdur hendan dagin.

Vit fara millum annað at arbeiða við okkara kjarnuvirði, samskifti, og hvussu vit kunnu veita eina góða tænastu.

Smílibýlið.

Talvkapping 11.02 & 15.02

February 06, 2019

Mánadagin 11.02 fara vit at hava eina talvkapping her í Smílibýlinum:) Nr. 1,2&3 í ávíkavist 1.-og 2.flokki fáa medaljur:)

Samstundis er tað eisini innleiðindi runda, til Talvkappingina millum frítíðarskúlarnar í TK, sum verður fríggjadagin 15.02. Har kunnu vit hava millum 6 og 8 úr hvørjum flokki við:)

Amygdala:)

February 06, 2019

Í samband við okkara arbeiði, við trivnaðinum og samspælinum millum børnini, hava børnini gjørt hvør sítt “Amygdala ur”. Anette Prehn, sosiologur, skrivar um tað í bók síni, “Hjernesmart Pædagogik, stimuler børns læring, empati, indre ro og selvkontrol”. Um áhugi er, kan meiri lesast á www.hjernesmart.dk. Amygdala urið er ein sirkul, deildur í 5 ymsar litir, og ein pílur í miðjuna, ið kann snarast. Í Stuttum merkir hvítt at man tímir og orkar einki, grønt at man hevur tað gott, tímur og er engageraður, gult at okkurt ikki følist rætt, man er irreteraður, óróligur. Reytt merkir at man er óður, bangin rópar ella grætur o.t. Svart merkir, at man er púra frá sær sjálvum, í panikk, man hevur ikki kontrol á sær sjálvum.

Talvkapping

January 18, 2019

Smílibýlið skipar fyri eina talvkapping millum frítíðarskúlarnar í Havn:) Slagið stendur fríggjadagin 15.02.19, í aulini í Eysturskúlanum.

Jólasølan gav 4948,- kr.

January 17, 2019

Vit fingu 4948,- kr. inn á Jólasøluni, og upphæddin fór óskerd til Caritas Danmark, at hjálpa familjum í Ukraina. takk fyri stuðulin:)

Jólasølan 2019

November 15, 2018

Árliga Jólasølan verður týsdagin 4.des. 15.00-17.00:)

Í ár fer allur innkomin peningur til átakið hjá Caritas, at hjálpa familjum í borgarakríggsherjaða Ukraine at halda hitan, nú veturin kemur.

Við hermótið, har nógvar familjur búgva, er eingin hiti,  tí gassleiðingin er bumbað.  Arbeiðspláss eru afturlatin, so nógvar familjur hava onga inntøku. Nógv hús eru eisini í ringum standi, og vindeygu mangla, orsaka av spreingingum.

Tí hava tey serligani brúk fyri kol at brenna, fyri at halda hitan, og hjálp til at bøta um húsini.

17 kr. eru nokk til, at ein familja kann fáa hita í ein dag, so øll hjálp er kærkomin:)

Klintrimús:)

October 01, 2018

Í løtuni arbeiða vit við Klintrimús sum tema. Millum annað fara børnini at kunnu verða við í einari teknikapping, baka piparnøtur og annað, syngja og spæla sangir, lurta eftir tónleik og leik um Klintrimús, og fara túrar í Viðarlundina:)

Samanlagt virksemi í heystfrítíðini

September 09, 2018

Foreldur í Tórshavnar kommunu, ið hava  pláss fyri neyðini frá 15. til 19. oktober 2018 (vika 42), tá ið frítíðarskúlar annars eru stongdir, tá ið frítíðarskúlar annars eru stongdir, verða vinaliga biðin um at skráseta seg á torshavn.fo->kommuna->sjálvgreiðsla.

Freistin er fríggjadagin 28. september 2018. Boðað verður frá seinni, hvør frítíðarskúli er opin. Tilmeldingin er bindandi, og tað er umráðandi, at barnið møtir teir dagar, sum eru fráboðaðir. Barnið er tilmeldað, tá ið tú hevur fingið sendandi váttan við t-posti um, at barnið er skrásett.

Summarferia:)

June 26, 2018

Síggjast aftur 16.08:)

Summarveitsla

June 06, 2018

Fríggjadagin 15 juni verður ársins summarveitsla í Smílibýlinum frá kl.15-17

Kunningarfundur á Margarinfabrikkina

May 08, 2018

Innbjóðing til kunningarkvøld

 

Góðu foreldur,

 

Hóskvøldið 31. maj kl. 17.00 til 18.00, ynskja vit at bjóða tykkum til eitt kunningarkvøld í Margarinfabrikkini, har vit starvsfólk greiða frá okkara tilboði og virksemi.

 

 Heilsan

 Starvsfólkini í Margarinfabrikkini :)

Opið allan dagin:)

May 08, 2018

Fríggjadagin 11.05.18 er skúlin stongdur, men vit hava opið frá 8.00-17.00:)

Fótbóltskapping

April 17, 2018

Innandura fótbóltskapping fyri frítíðarskúlar. Hvør Frítíðarskúli kann í mesta lagið hava 2 lið, við 6 spælarum + 2 eykaspælarum. Vit onnur fara við at heppa:) Vit fara at vera í Hoyvíkshøllini allan dagin:)

Samanlagt virksemi í summarfrítíðini

April 16, 2018

Foreldur í Tórshavnar kommunu, ið hava pláss fyri neyðini frá 27.juni til 10.juli 2018, tá ið frítíðarskúlar annars eru stongdir, verða vinaliga biðin um at skráseta seg á torshavn.fo->kommuna->sjálvgreiðsla.

Freistin er fríggjakvøldið 1.juni 2018. Boðað verður frá seinni, hvør frítíðarskúli er opin. Tilmeldingin er bindandi, og tað er umráðandi, at barnið møtir teir dagar, sum eru fráboðaðir. Barnið er tilmeldað, tá ið tú hevur fingið sendandi váttan við t-posti um, at barnið er skrásett

Please reload

1/4

Frítíðarskúlin Smílibýlið

Stoffalág 82

100 Tórshavn

Telefon 214879

fts-eystrv@torshavn.fo

Leiðari:

Allan Mortensen

Telefon 210045

allanm@torshavn.fo

Frítíðarskúlin Smílibýlið

Stoffalág 82

100 Tórshavn

Fartelef : 214879

Leiðarin: 210045

  • facebook
This site was designed with the
.com
website builder. Create your website today.
Start Now